poesie di Nazim Hikmet

1949

"Tu sês le mê sclavitût tu sês le mê libertât
tu sês le mê cjâr che bruse
come rampide cjâr in tes gnots d'istât
tu sês le mê patrie
tu, cui rifles vêrts dai toi voi
tu, alte e vitoriose
tu sês le mê nostalgje
di saveti invicinabile
in tal istess moment
che ti cjapi"


"AL DISTAC"
L'omp al dîs ae femine
ti ami
e cemût:
tanche se o stringess in tes mans 
al gno cûr, tanche une sclese di veri
che sangane i dêts
cuanche le crevi 
tanche un mat

L'omp al dîs ae femine 
ti ami 
e cemût:
cule profonditât di chilometros 
cule imensitât di chilometros
mîl par cent
cent voltis infinitamentri cent
Le femine e dîs a l'omp 
o ai cjalât 
cui miei lavris 
cul gno cjâf cul gno cûr
cun amôr, cun pôre, pleanmi
sui toi lavris
sul to cjâf
E chel che ti dîs cumò
lu ai imparât di te
tant che un cisicament in tal scûr
e vuè jo o sai 
che le tiare 
come une mari 
e dà di lat ae sô creature plui biele
Ma ce vino di fâ?
I miei cjavei si son imberdeâts in tai dets di ce ch'al mûr
e no pues gjavagj al cjâf
tu scugnis lâ
cjalant i voi dal frutin apene nassût
tu scugnis lassâmi.

Le femine e à tasût
si son bussâts 
un libri al è colât par tiare
un barcon si è siarât 

Al è cussì che si son lassâts.



"Nol'è un cûr"
Nol' è un cûr, par diu, al è un sandul di piel di bufal
ch'al cjamine, cence padìn, al cjamine
cence sbregasi 
al va indenant 
su trois di clap

Une barcje e passe denant di Varna
"Ohilà, fîs d'arint dal Mâr Neri!"
une barcje e sbrisse viârs al Bosforo
Nazim al carine cun dolcece le barcje
e si bruse lis mans.

IV
"IV"

Mê rose, lûs dai miei voi,
no ai pore di murî
ma murî di urte
e jè une cuestion di amôr propi




ANGINA PECTORIS

Se a chi al è mieç dal gno cûr, dotôr:
ch'al atri mieç al è in Cine
in te lungje marce viârs al Flump Zâl.
E lis matinis, dotôr,
dutis lis matinis di buinore
al gno cûr al ven fusilât in Grece
E podopo, cuanche i prisonîrs e muerin di siump
cuanche i ultins pàs si slontanin
de infermerie 
al gno cûr al va vie, dotôr
al và intune vecje cjase di len a Istanbul.
E pò e son dîs ains, dotôr, 
che no ai nuie in man di regalâ al gno popul
nuiatri che un miluç 
un miluç rôs, al gno cûr.

Al è par chist, dotôr,
e no pe arterio, no pè nicutine, no pe peresòn,
ch'o ai le angine pectoris.
O cjali le gnot framieç lis sbaris
e ancje se ducj chiscj mûrs
che mi pesin sul pèt
al gno cûr al bat cule stele plui lontane